ताप्लेजुङ । ताप्लेजुङको दोभान बजारदेखि मेरिङदेन गाउँपालिकाको कार्यालयसम्म जोड्ने सडक कालोपत्रेका लागि ठेक्का सम्झौता भएको छ । दोश्रो ठुलो व्यापारीक केन्द्र दोभान बजारदेखि गाउँपालिकाको केन्द्र सान्थाक्रासम्मको सडक स्तरोन्नति तथा कालोपत्रेका लागि ठेक्का सम्झौता गरिएको गाउँपालिकाका अध्यक्ष युकहाङबीर हाङगाम (डम्बर)ले जानकारी दिनुभयो ।
![](https://i0.wp.com/radiokabeli.com/wp-content/uploads/2024/02/424937260_3159091544385883_3877552186292327489_n.jpg?resize=720%2C538&ssl=1)
उहाँका अनुसार पहाडी कन्स्ट्रक्सन, पोमु कन्स्ट्रक्सन र जेभी कन्स्ट्रक्सनसँग ठेक्का सम्झौता गरिएको हो । ठेकेदार कम्पनीले चालु आर्थिक वर्षको मसान्तसम्ममा दोभानदेखि पालिकाको पहिलो घुम्तिसम्म पहिलो चरणमा ग्राभेल लगायतका कार्य हुनेछन् । उक्त कार्यको लागि ३ करोड ३७ लाख रुपैयाँमा ३ ओटा कम्पनीसँग ठेक्का सम्झौता भएको हो ।
चालु आर्थिक वर्षमा खोलाइएको ठेक्काको कार्य पुरा भएसँगै आगामी आर्थिक वर्षमा थप अन्य कार्यको लागि समेत बजेट सुनिश्चित गरी ठेक्का आह्वान गर्ने गाउँपालिकाले जनाएको छ । मेरिङदेन गाउँपालिकाको गौरवको आयोजना अन्तर्गत आगामी ३ वर्षभित्र पालिकाको केन्द्रसम्म सडक कालोपत्रे गर्ने पालिकाको योजना अनुसार नै कार्य अगाडि बढाइएको हो ।
प्रतिक्रिया