ताप्लेजुङमा करिव १० हजार बालबालिकालाई दादुरा–रुबेला विरुद्धको खोप दिइने



ताप्लेजुङ । ताप्लेजुङमा करिव १० हजार बालबालिकाहरूलाई दादुरा–रुबेला विरुद्धको खोप दिइने भएको छ । यहाँका ९ स्थानीय तहमध्ये पहिलो चरणमा ४ र दोस्रो चरणमा ५ स्थानीय तहमा खोप अभियान सञ्चालन हुने भएको हो । 

स्वास्थ्य कार्यालय ताप्लेजुङका कोल्डचेन सुपरभाइजर दिनेश रायका अनुसार पहिलो चरणमा फागुन १८ देखि २२ गते सम्म फुङलिङ नगरपालिका, सिदिङ्वा गाउँपालिका, सिरिजङ्गा गाउँपालिका र पाथीभरा याङवरक गाउँपालिकाका खोप केन्द्रमा खोप अभियान सञ्चालन हुने छ । दोस्रो चरणमा फागुन २४ देखि २८ गते सम्म आठराई त्रिबेणी गाउँपालिका, मैवाखोला गाउँपालिका, मेरिङदेन गाउँपालिका, मिक्वाखोला गाउँपालिका र फक्ताङलुङ गाउँपालिकाका खोप केन्द्रमा खोप अभियान सञ्चालन हुने रायले जानकारी दिनुभयो ।

उहाँका अनुसार ९ महिना पूरा भई ५ वर्ष ननाघेका बालबालिकालाई दादुरा–रुबेला विरुद्धको खोप दिइने छ । स्वास्थ्य कार्यालयका अनुसार फुङलिङ नगरपालिकाका १ हजार ९ सय ८६, सिरिजङ्गा गाउँपालिकाका १ हजार ५, सिदिङ्वाका ८ सय ६० र पाथीभरा याङवरकका ७ सय ५० जना बालबालिकालाई खोप लगाइने छ । 

यस्तै फक्ताङलुङ गाउँपालिकाका ८ सय १३, मेरिङदेन गाउँपालिकाका ८ सय, आठराई त्रिबेणी गाउँपालिकाका ९ सय, मैवाखोला गाउँपालिकाका ९ सय ६१ र मिक्वाखोला गाउँपालिकाका ७ सय ६० बालबालिकालाई खोप दिइने गरी सूची तयार भएको छ । स्वास्थ्य कार्यालयले ९ महिना पूरा भई ५ वर्ष ननाघेका सबै बालबालिकालाई पायक पर्ने खोप केन्द्रमा ल्याएर दादुरा–रुबेला विरुद्धको खोप लगाउन सम्बन्धित अभिभावकहरूलाई आग्रह समेत गरेको छ । eujyalopost.com

प्रकाशित मिति : १० फाल्गुन २०८०, बिहीबार १०:०१

ताप्लेजुङमा पनि बिहिबार बिहान ६ बजेसम्म कफ्र्यू जारी

ताप्लेजुङ । ताप्लेजुङमा शान्ति सुरक्षा कायम राख्न भन्दै जिल्ला प्रशासन

सिदिङ्वा गाउँपालिका कार्यालय तोडफोड

ताप्लेजुङ । ताप्लेजुङको सिदिङ्वा गाउँपालिकाको कार्यालय तोडफोड गरिएको छ ।

मैवाखोलामा पहिरोमा पुरिएर दुईको मृत्यु, तीन घाइते

ताप्लेजुङ । ताप्लेजुङको मैवाखोला गाउँपालिकामा पहिरोमा परेर दुई जनाको मृत्यु

मैवाखोलामा पहिरोले दुई घर पु¥यो, दुई वेपत्ता

रेडियो काबेलीताप्लेजुङ । जिल्लाको मैवाखोला गाउँपालिकामा पहिरो खस्दा दुई घर

ताप्लेजुङमा नगरपालिका र तीन पार्टी कार्यालयमा तोडफोड

रेडियो काबेलीताप्लेजुङ । आन्दोलनरत समूहले फुङलिङ नगरपालिकामा तोडफोड र आगजनी