साहारा लङ्वा लिम्बू
ताप्लेजुङ । मुक्कुम्लुङ संरक्षणका लागि ताप्लेजुङको फुङलिङमा जनप्रदर्शन हुने भएको छ । भोलि माघ १५ गते विभिन्न संघ संस्थाहरूको आयोजनामा शान्तिपूर्ण विरोध जन प्रदर्शन हुने भएको हो ।
भोली मुक्कुमलुङ फासिङ तान्सेप चुम्भो सहित मुक्कुमलुङ संघर्ष समिति, केबलकार खारेजी संघर्ष समिति सहित विभिन्न संघ संस्थाहरूको आयोजनामा शान्तिपूर्ण विरोध जन प्रदर्शन हुने भएको केबलकार निर्माण खारेजी संघर्ष समितिका संयोजक खगेन्द्र फेम्बूले जानकारी दिनु भएको छ ।
भोलि बिहान साढे १० बजेदेखि विरोध र्याली सुरु हुने मुक्कुमलुङ संयुक्त संघर्ष समितिका संयोजक श्री लिङ्खिले जानकारी दिनु भएको छ । उहाँका अनुसार र्याली तमोर हस्पिटल हुँदै विरेन्द्र चोकदेखि टुक्रे पुगी पुन फर्की तोक्मे डाँडाँ पुगी कोण सभामा परिणत हुने भएको छ ।
उक्त विरोध प्रदर्शनमा नेपाल राज्यका कुनै पनि स्थानका जनताले आफ्नो इच्छा अनुसार भाग लिन पाउने पनि लिङखिमले जानकारी दिनुभयो । साथै सम्पूर्ण जनसमुदायलाई शान्तिपूर्ण विरोध जन प्रदर्शनमा सहभागी हुन आह्वान गरिएको छ ।
प्रतिक्रिया