रेडियो काबेली
ताप्लेजुङ । मेरिङदेन गाउँपालिका वडा नं. २ ले विद्यालयलाई न्यानो कपडा वितरण गरेको छ । वडा नंं. २ ले आर्थिक वर्ष २०८०÷८१ का लागि विनियोति ६ लाख बजेटबाट न्यानो कपडा वितरण गरिएको वडा सदस्य पेम्बा शेर्पाले जानकारी दिए ।
उनका अुनसार गाउँपालिकाका निमित्त प्रमुख प्रशासकिय अधिकृत रत्नेश्वर प्रसाद शाह, वडा अध्यक्ष तेज कुमार चङबाङ, कार्यपालिका सदस्यहरु साम्याङ शेर्पा, अमृता मगर शेर्पा र विमला वि.क.को उपस्थितीमा बिहिबार (आज) सिंहदेवी आधारभुत विद्यालयबाट न्यानो कपडा वितरण कार्य सुरु गरिएको छ ।
अब क्रमश वडामा रहेका ६ वटा आधाभुत, एउटा माध्यमिक र एउटा बाल विकास सिकाई केन्द्रका सबै विद्यार्धीलाई न्यानो कपडा वितरण गरिने वडाले जनाएको छ । चिसो कारण विधार्थीहरुलाई पढ्न असहज नहोस भन्ने उद्देश्यले न्यानो कपडा वितरण गरिएको वडा अध्यक्ष चोङबाङले बताए ।
प्रतिक्रिया