चार दिनदेखि स्थिर रहेको सुनको भाउ आज घट्यो, कतिमा हुँदैछ कारोबार?

रेडियो काबेली

ताप्लेजुङ । चार दिनदेखि स्थिर रहेका सुनको मूल्य बिहीबार (आज) घटेको छ। बिहीबार सुन तोलामा ४०० रुपैयाँले घटेको हो।

नेपाल सुनचाँदी व्यवसायी महासंघका अनुसार छापावाल सुन प्रतितोला १ लाख १८ हजार रुपैयाँ कारोबार भइरहेको छ भने तेजाबी सुन प्रतितोला १ लाख १७ हजार ४५० रुपैयाँमा कारोबार भइरहेको छ।

बुधबार छापावाला सुन प्रतिलोला १ लाख १८ हजार ४०० र तेजाबी सुन प्रतितोला एक लाख १७ हजार ८५० रुपैयाँमा कारोबार भएको थियो।

बुधबार चाँदीको भाउ भने वृद्धि भएको छ । चाँदी तोलामा २० रुपैयाँले बढेर प्रतितोला एक हजार ४०० रुपैयाँ पुगेको छ । बुधबार चाँदी प्रतितोला एक हजार ३८० रुपैयाँमा किनबेच भएको थियो ।