शैक्षिक गुणस्तरमा सुधार गर्न मैवाखोलाको विद्यालयमा सिसि क्यामेरा जडान

रेडियो काबेली
ताप्लेजुङ । शैक्षिक ब्यबस्थापनमा सुधार गर्नका लागि ताप्लेजुङको मैवाखोलाको विद्यालयमा सिसि क्यामेरा जडान गरिएको छ । पालिकाको साँघुस्थित प्रस्तावित नमुना नारायणी माध्यमिक विद्यालयमा २६ वटा नयाँ सिसि क्यामेरा जडान गरिएको हो ।

नेपाल सरकार नमुना विद्यालय विकास कार्यक्रमको शैक्षिक गुणस्तर सुधारअन्तर्गत नारायणी माविमा सिसी क्यामरा जडान गरिएको पालिका अध्यक्ष विजय प्रकाश वनेमले जानकारी दिए ।

अध्यक्ष वनेमका अनुसार शैक्षिक गुणस्तर उकास्न नयाँ सिसि क्यामेरा जडान सहित ११ वटा पुराना सिसि क्यामेरा समेत मर्मत गरेर सुचारु गरिएको छ ।

त्यस्तै सो विद्यालयमा डिजिटल हाजिरी जडान कार्य समेत अघि बढाईएको अध्यक्ष वनेमको भनाई छ ।