ताप्लेजुङ । ताप्लेजुङको मेरिङदेन गाउँपालिका ४ नं। वडा लिङतेपले खेलाडीहरूलाई सम्मान गरेको छ । आर्थिक वर्ष २०७९/८० मा विभिन्न स्थानमा आयोजना भएको खेलमा सहभागि भई प्रथम हुन सफल भएका वडा भित्रका खेलाडीहरूलाई सम्मान गरिएको हो ।
आज एक कार्यक्रमको आयोजना गरि प्रथम हुन सफल पुरुष तथा महिला खेलाडीहरूलाई सम्मान पत्र र मायाको चिनो सहित सम्ममा गरिएका मेरिङदेन गाउँपालिकाका सूचना अधिकारी जितेन लिम्बूले जानकारी दिनुभयो । खेलकुद क्षेत्रको विकास सँगै खेलाडीहरूको हौसलाका लागि उक्त कार्यक्रमको आयोजना गरिएको ४ नं. वडाका वडा अध्यक्ष बेद प्रसाद हाङ्गामले बताउनुभयो ।
कोशी प्रदेशका प्रदेश सभा सदस्य खगेन सिं हाङ्गामको प्रमुख आतिथ्यतामा सम्पन्न भएको सम्मान कार्यक्रममा विशिष्ट अतिथिको रुपमा मेरिङ्देन गाउँपालिकाका उपाध्यक्ष दुर्गा प्रसाद श्रेङ चोङबाङको उपस्थिति रहेको थियो ।
वडाले खेलाडी प्रति चालेको यो कदमले खेलकुदको विकास र खेलाडीहरूमा लगाव बढ्नुका साथै खेलप्रेमी सरोकारवाला व्यक्तित्वहरुमा सकारात्मक सन्देश प्रवाह हुने कोशी प्रदेश सभा सदस्य खगेन सिं हाङ्गामले बताउँनुभयो ।
कार्यक्रम मेरिङदेन ४ नं। वडाका वडा अध्यक्ष बेद प्रसाद हाङ्गामको अध्यक्षतामा सम्पन्न भएको हो ।
प्रतिक्रिया