पाथीभरा मन्दिर क्षेत्रमा हिमपात

रेडियो काबेली
ताप्लेजुङ। ताप्लेजुङको प्रसिद्ध तीर्थस्थल पाथीभरा मन्दिर क्षेत्रमा हिमपात भएको छ । बिहीबार अपराह्नपछि मौसममा केही बदलीसँगै पाथीभरा क्षेत्रमा हिमपात भएको हो ।

पाथीभरा क्षेत्र विकास समितीको कर्मचारी राजेन्द्र महतले दिउँसो ४ बजेपछि हिमपात भएको बताए । उनका अनुसार फेदी क्षेत्रमा सेताम्मे हुनेगरी हिउँ परेको र सामान्य हिउँ पर्ने क्रम जारी रहेको छ ।

साथै बदलिँदो मौसमको टुङ्गो नहुने हुँदा अझै बढी हिउँ पर्नसक्ने कर्मचारी महतको भनाई छ । फेदीसम्म नै हिउँ परेकाले तीन हजार ७९४ मिटर उचाइ रहेको पाथीभरा मन्दिर क्षेत्रमा अझै धेरै हिउँ परेको बताइएको छ । यता हिउँ पर्न थालेपछि चिसो ह्वात्तै बढेको पनि फेदीका स्थानीयले बताएका छन् ।