रेडियो काबेली
ताप्लेजुङ । कार्यकर्ता रिहाई हुने निश्चित भएसँगै प्रदेश १ पुनः नामांकन संयुक्त संघर्ष समितिले आह्वान गरेको मेचिराज मार्ग बन्द फिर्ता लिएको छ ।
संघर्ष समितिले बिहीबार अपराह्नदेखि मेची राजमार्गमा गरेको यातायात बन्द फिर्ता लिएको हो । ईलाममा प्रहरीद्वारा पक्राउ गरिएका कार्यकर्ता बुलेट किराँती (आन्जेस राई) को बिनासर्त रिहाइ गर्नुपर्ने माग राखेर संघर्ष समितिले बुधबार र बिहीबार दुई दिन मेची राजमार्ग बन्दको आह्वान गरेको थियो ।
पक्राउ परेका राईको रिहाइ हुने भएपछि समितिले विज्ञप्ति जारी गर्दै यातायात फिर्ता लिएको जनाएको छ । विज्ञप्तिअनुसार बिहीबार दिउँसो २ बजेदेखि यातायात बन्द फिर्ता लिएको उल्लेख गरिएको छ ।
यता समितिले आह्वान गरेको बन्दका कारण ताप्लेजुङसहित पाँचथर, इलाम र झापा जिल्लाअन्तर्गत मेची राजमार्गमा बुधबारदेखि यातायात ठप्प भएको थियो । यातायात ठप्प हुँदा यात्रुले यात्रा गर्न पाएका थिएनन् ।
प्रतिक्रिया