रेडियो काबेली
ताप्लेजुङ । ताप्लेजुङको दोभानमा विगत ५० बर्ष देखि लाग्दै आएको ऐतिहासिक पुसे मेलाका लागि मिक्वाखोला गाउँपालिकाले दुईदिन स्थानीय बिदा दिएको छ ।
कार्यपालिकाको निर्णय अनुसार पुस ३ र ४ गते स्थानीय बिदा दिईएको मिक्वाखोला गाउँपालिकाका निमित्त प्रमुख प्रशासकीय अधिकृत दिनेश बरालले जानकारी दिए । बिदाका दुईदिन पालिका क्षेत्र भित्रका सरकारी कार्यालय, सामुदायिक बिद्यालय एवम् संघसंस्थाको आकस्मिक बाहेकको सेवा बन्द हुने पालिकाले जनाएको छ ।
पुसे मेला लाग्न थालेको यो बर्ष ५० बर्ष पूरा भएको छ । पुसे मेलालाई पालिकाले स्थानीय पर्वको रुपमा लिएर उत्सव मनाउन विदा दिएको जनाएको छ ।
मेरिङदेन गाउँपालिका वडा नं ३ खाम्लुङ र आठराई त्रिबेणी गाउँपालिकाको वडा नं ५ चाँगेको संगमस्थल मानिने दोभानमा सोमबारबाट सुरु भएको पुसेमेला ५ गते सकिने छ । यस अघि मेरिङदेन गाउँपालिकाले पुस ३ र ४ गते स्थानीय विदा दिने जनाएको छ ।
प्रतिक्रिया