ताप्लेजुङमा जाँडको कटमा डुबेर १८ महिने बच्चाको मृत्यु

ताप्लेजुङ । ताप्लेजुङको फक्ताङलुङ गाउँपालिकामा एक बालकको रक्सि पारेर राखेको जाँडको कटमा डुबेर मृत्यु भएको छ । सोमबार रक्सि पारेर राखेको जाँडको कटमा डुब्दा फक्ताङलुङ गाउँपालिका २ तिङदोका लाक्पा नोर्बु शेर्पाका १८ महिने छोरा ङिमा दोर्ची शेर्पाको मृत्यु भएको जिल्ला प्रहरी कार्यलय ताप्लेजुङले जनाएको छ ।

मृतकका बुबा वैदेशिक रोजगारीमा साउदी गएको र आमा सोनिया शेर्पा बच्चा छिमेकीलाई हेर्न छोडेर खेतमा गएको बेला दिउँसो बच्चा खेल्ने क्रममा कटमा डुबेको अवस्थामा छिमेकी छयके शेर्पाले देखेर बच्चालाई कटबाट निकाल्दा बच्चाको मृत्यु भईसकेको प्रहरीले जनाएको छ ।

उक्त घटन प्रहरीलाई जानकारी हुना साथ सिंवा प्रहरी चौकीबाट प्रहरी घटनास्थल पुगि शबलाई आज जिल्ला अस्पताल ताप्लेजुङमा पोष्टमार्टम गरि आफन्तलाई शब बुझाईएको जिल्ला प्रहरी कार्यालय ताप्लेजुङले जनाएको छ ।