ताप्लेजुङ । प्रसिद्ध तीर्थ स्थल ताप्लेजुङको पाथीभरा मन्दिरमा गत आर्थिक वर्षको वैशाख महिनामा सबै भन्दा बढी तीर्थयात्री दर्शनका लागि आएका छन् ।
पाथिभरा क्षेत्र विकास समितिको तथ्याङ्क अनुसार उक्त महिनामा ३५ हजार ६६४ जना भक्तजन मन्दिर दर्शनका लागि आएका छन् । सबैभन्दा कम साउन महिनामा १ हजार ७ सय ९५ जना मात्र भक्तजन मन्दिर दर्शनका लागि पाथीभरा आएका छन् ।
भदौमा ८ हजार ७५, असोजमा २२ हजार ९ सय ६४, कात्तिकमा १७ हजार १ सय ७० जना आएको तथ्याङ्कमा उल्लेख छ ।
त्यस्तै मङ्सिरमा २३ हजार ३ सय ६६, पुसमा ६ हजार ५४, माघमा ५ हजार ८ सय ३७ र फागुनमा १८ हजार ६ सय ८६ तीर्थयात्रीले दर्शन गरेका छन् ।
चैत्र महिनामा ३० हजार ६ सय १८ जना आउँदा जेठ र असारमा क्रमश २७ हजार २ सय १७ र ३ हजार ६ सय २ जना भक्तजन पाथीभरा आएको समितिले जनाएको छ ।
गत आर्थिक वर्षमा अघिल्लो आर्थिक वर्षको तुलनामा दर्शनार्थीको संख्या घटेको समितिले जनाएको छ ।
प्रतिक्रिया